Verzichtbuch des Elberfelder Hofgerichts – Seite 158

← Seite 157 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 159→

Noch habenn auff dato Peter Nippell unnd Peter Teschemecher beide
Scheffen ins Gericht bracht, daß vor inen verziegen Reinhardt
Kempffer Burger do Stadt Collenn Dreutgen Eheleut, wim-
mar Schurman Steingen Eheleut, Johan zur Hössen Entgenn
Eheleut, herman Schacht Mettelgen Eheleut, hein zur Hossenn,
unnd Entgen zur Hossen weilandt Driessen Roßdellen nach-
gelaßene Wittib, auff alle ire Erbgerechtigkeit alsolchen
sterbfals so inen: dero zeit die vorgemelte Entgen zur Hossen
wittib, in Witthumb standt gesessen: von irem Broder unnd
Schwager seligen Engeln auff der Awen, in dem Erb unnd gut da-
selbst auff der Auwen, wie er Engell und Treingen Eheleut
daß alles in irem besitz unnd gebrauch gehapt, anerfallen,
zu handen Treingen, vorgedachten seligen Engels auff der Auwen
nachgelassener wittiben,

Anno Tausent funffhundert Achtzig zwey
am eilfften tage Monats Decembris

Auff dato haben Peter Nippell unnd Johan auffm Buchell beide
Scheffenn zu Elverfeldt ins Gericht bracht, daß vor inen bei-
denn verziegen Johan Auge, Herman und Johan sein beide Söhne
von weilandt Eiffgen auffm Herkweyer seiner hausfrawen
gezilt, auff alle ire habende Erb, kindt und Leibzuchtige ge-
rechtigkeit, so inen jtzt dieselb an seligen Volckweins Erb
unnd Gudt auffm Herkweyer, von wegen vurschrieben Eiffgens
angeerbet, zu handen Jasper weyerkens unnd ydgen seiner
hausfrawen,
Item noch haben auff dato Dietz in der Hulßbeck unnd Engels in der
Mircken beide Scheffen ins Gericht bracht, daß vor inen
Beiden verziegen Johan Langenbergh Burger zu Wupperfürde
unnd Treingen Eheleut, Weiland Engels zur Hosen auff der
Awen gewesene hausfraw, auff alle ire Erb unnd Erbge-
rechtigkeit auff der Auwen, wie Sie daß alles ererbet
unnd sunst an sich kaufft, eingehapt und besessen haben, nichts
davon ab oder außgeschiede, zu handen Peter Teschemecher Mergh
Eheleuten,

Item noch haben auff dato Dietz in der hulßbeck unnd Engel in der
Mircken beide Scheffen Gerichtlich einbracht, daß vor inen beiden
verziegen Johan auff der Buchell Gretgen Eheleut, auff ein stuck
Ardlandts in irem Bücheler Kampff, anhaltende Einhundert sechs ruten
wie solche einhundert sechs ruten nach der wuppern negst der Ge
meinde daselbst abgemessen, obgeleikt und gepailt, zu handen Pe-

← Seite 157 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 159 →