Verzichtbuch des Elberfelder Hofgerichts – Seite 152

← Seite 151 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 153→

ire Kindt unnd Erbgerechtigkeit s[eligen] Peters versterbs
im Bornen gudt, zu handen dem vursch[rieben] Hamman
Neesen Eheleuten und Feigen daselbst zu Hirckhausen,

Anno 1582 am 6ten Februarii

Auff dato hat Heintz aufm hain Scheffen ins Ge-
richt pracht, das fur ime und Henßen Tilmans
Sohn aufm hain, Als Hoffman verziegen hauß, Arendten
und Entgens Sohn aufm hain, item in Leiblandt wön-
hafftigh, auff sein Kindt unnd Erbgerechtigkeit gereider
unnd ungereiden güter, so inen von Entgen seiner Moder
albereit Angefallen, unnd Anerstorben, unnd noch zu-
kunfftig Zeit von derselben Anfallen unnd Ansterben
magh, zu handen Neelden, Grieten Eheleuten, am Neu-
wechaus seinem Broder unnd schwegerschen,

Anno 1582 am 6ten Martii

Auff dato haben Tilman in der Kolffert Scheffen
unnd Hauß zu Berchausen Hoffsman ins Gericht
pracht, das fur inen beiden verziegen Herbert Berch-
hausen Burger dero Stadt Hanofer vor sich und sein
Ehelige hausfraw Margarethen Auff alle ire Kindt
und Erbgerechtigkeit in Henrichs Berchausen, zu handen
Henßen Feigen Eheleuten, zu Berchausen, irem Broder
Schwagern unnd schwegerschen, welcher verziegh auch
folgens die vürsch[rieben] Margaretha bekrefftigt und
Angenehm gehalten, weiter Außweisungh eins vom
Rath der Stadt Hanöfer versiegelten unnd alhie ein-
pracht Scheins,

Noch haben Auff dato Tilman in der Kolffert Scheffen
unnd Henß, Berchausen h(o)bsman Gerichtlich inbracht,
das fur inen beiden verzieggn Anna Berchausen
Auff Alle ire Kindt unnd Erbgerechtigkeit in Hen-
richs Berchausen, zu handen Henßen unnd Feigen Ehe-
leuten irem Broder unnd Schwegerschen,

Auff dato dem Rechten gnugksamb einpracht, [und]
verziegen Tiell unnd Merten in der Hülßbeck als

← Seite 151 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 153 →