Verzichtbuch des Elberfelder Hofgerichts – Seite 54

← Seite 53 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 55→

Diese Seite wird in der Kartei Kießling auf folgenden Karteikarten zitiert: D0096 – Teschemacher, Engel; F0351 – Wredell, Johann; H0385 – Herb[a/e]ch, Adolf; H0644 – zu der Hosen, Johann; L0212 – Leudtger, Jihan

widtwe seligen Tielens zum Dycke auff ire gerechtigkeitt an
Joerges haußgenant oben ausser der Portzen gelegenn

Gleichfals dem rechten gnugsam inbracht, Das ime Johan Ludgers
unnd Metten eheleuthen auff genantes hauß verziegen seie Lißgen
seligenn Meister Henrichs dochter, seiner gehabter gerechtigkeitt
halben

Jasper zu Hossen Gerdtgen eheleuthe, unnd Tilman zur Hossen
ire broder unnd schwager, habenn dem rechtenn gnugsam in-
bracht, Das inen ire Vatter unnd mutter Johan zur Hossen und
drutgenn eheleuth verziegenn seiendt, auff ire hauß Johanß hauß
zur hossen, scheure unnd Backhauß, hinder dem forderen hauß
gelegenn, sampt einem Gardtenn an holters feldt gelegenn
und einem Kamp am Engelenberg gelegenn, Des soll Jasper
das vurder hauß zu seinem theill haben, und Tilman nach
erkendtnuß zu dem hinderen hauß herauß geben,

Engell Teschenmecher dem Rechten gnugsam inbracht, Das ime
unnd seiner hausfrawen Catharinen verziegen, seiendt
Adolff vonn Greffradt und sein hausfraw auff alsolchen
gerechtigkeitt, die welche sie durch ein versiegelte volmacht von
einem genant Peter Gießgenn unnd Trin kornmhaus Bur-
gere zu Defenn vur dem kuniglichen suel der stalt Aiche ver-
mug derselbiger versiegelter Volmacht bekhommen, an dem
hauß banssen der freiheit Elverfeldt gelegen, Adolff herbecks
haus genant

Gleichfals gedachter Engell inpracht, das Johan Wrendell von
Buer, unnd Tieß sein Schwager sampt iren beiden hausfraw
jegen ime und genanter Catharinen verziegenn seienn uff
einen Gardtenn, gelegenn hinder irem hauß, genandt des
Lubkers gut

Heintz auff dem Hain unnd Peter Teschenmecher alß Volmechtiger

← Seite 53 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 55 →