Verzichtbuch des Elberfelder Hofgerichts – Seite 16

← Seite 15 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 17→

Diese Seite wird in der Kartei Kießling auf folgenden Karteikarten zitiert: D0500 – zu Dornberg, Tilman; H0838 – auf der Hütten, Hans; M0360 – Mullenbeck, Hermann; S0602 – Sedelhoff, Johann; Ausw101 – Brüggen, von der, Hans; Ausw398 – Kolfferter Brüggen, vor der, Wilhelm

Gemelten tag erschienen Peter Schomacher in der Steinbach, Mette Eheleut unnd haben
das gudt Steinbach empfangen, damit belehenet, Ban und friede geschehen, wie von
alts unnd hoffs Recht ist, vorbehalten unserm Gnedigen Herren seiner Gnaden hochheit
unnd jederman seines Rechten,

heudt dato Johan Sedelhoff dem Rechten gnugsamblich inbracht, das ime unnd seiner
hausfravwen Beelgen seie verziegen Peter Johan Sunten seligen sohn irn Schwager
unnd Broder, auff alle sein Erbgerechtigkeit ahn gedachts Johan Sunten nachge-
lassen Erbgudt,

Weiteres herman Mullerberck dem Rechten gnugsam inbracht, das ime unnd
Seiner hausfravwen dreutgen seien verziegen Johan .o. sein schwager, Fia,
Greetgen seiner Schwegen innen zu der zeit des verziegs alle ungeeheligt, auf
Alle ire Erb unnd Kindgerechtigkeit in der Olichschlegers Mirckn,

Noch hat Fia seligen henß dochter auff der hutten dem Rechen gnugsamblich in-
bracht, das henrich unnd dreudtgen auff der hutten ire Schwager unnd gueter
ire verziegen seien auff ire versterff ahn dem dietz berch von irem
Oheimen seligen dietz geschehen,

Anno 64

Am 10ten Jannuarii hat Johan zu Arndtzberchausen nach absterben seiner Ehef[r]auß fra-
wen Aelkenn das Erbgudt zu Arnßberchausen auffgetragen unnd uberlassen
herman zu Berchausen unnd Aelken Eheleuten, seien dieselben damit belehent
Ban und friede daruber empfangen wie von alts unnd hoffs Richt, Be-
heldtnuß unserm Gnedigen herren seiner gnaden hocheit unnd jederman seins
Rechten,

Heudt dato erschienen Wilhelm vor der Kolffertter Bruggen unnd dem
Rechten gnugsam inbracht, das ime unnd seiner hausfrawen Beatricen
verziegen seien hanß von der Bruggen der Elther dorothea Eheleut, jtzt zur
zeit binnen hannover wonhafftig, auff ire kindtgerechtigkeit inen von
Vatter unnd Mutter anerstorben, unnd im Ambt unnd Gericht Elver-
Feldt gelgen,

Anno 1565 ahm 25 Junii

Auff gesetzten dato erschienen Tilman zu darmberch unnd Catharina Ehe-
leut unnd irem sohn Petern unnd Treinen Eheleuten uberlassen unnd
auffgetragen das Erb und gudt jungmans darrnberch gut, damit be-
lehent, Ban unnd friede daruber empfangen, wie von alts unnd hoffs
Recht ist, Beheldtlich unserm gnädigen Herrn seiner hocheit unnd jederman seins Rechten

← Seite 15 | andere Seite aufrufen | zur Original-Abbildung wechseln | Über das Verzichtbuch / Hilfe | Seite 17 →